"Value Creation In Business" B2B မြန်မာ့စီးပွားထူးချွန်သူများနှင့်တွေ့ဆုံခြင်း အခမဲ့စီးပွားရေးဟောပြောပွဲ ကျင်းပ

December 16, 2019

"Value Creation in Business" B2B မြန်မာ့စီးပွားထူးချွန်သူများနှင့်တွေ့ဆုံခြင်း အခမဲ့စီးပွားရေး ဟောပြောပွဲကို မြန်မာနိုင်ငံ ကျောက်မျက် ရတနာ လုပ်ငန်းရှင်များအသင်းချုပ် ၊ မြန်မာ့ကျောက်မျက်ရတနာ အရောင်းခန်းမ(ကမ္ဘာအေး)၌ ၁၄.၁၂.၂၀၁၉(စနေနေ့) နေ့လည်(၂)နာရီတွင် ကျင်းပရာ ပါမောက္ခ ဆရာကြီး ဒေါက်တာအောင်ထွန်းသက် မှ Moderator အနေဖြင့် ဆောင်ရွက်ပြီး မြန်မာနိုင််ငံကျောက်မျက် ရတနာလုပ်ငန်းရှင်များအသင်းချုပ် ဥက္ကဋ္ဌ ဦးလဖိုင်ခွန်ဆာမှ Speaker အနေဖြင့် ဆွေးနွေးခဲ့ကြပြီး တက်ရောက်လာသူများ၏ မေးမြန်းချက်များကို ပြန်လည် ဖြေကြားခဲ့ကြပါသည်။

ဟောပြောပွဲ အခမ်းအနားသို့ မြန်မာနိုင််ငံ ကျောက်မျက် ရတနာလုပ်ငန်းရှင်များအသင်းချုပ် ဒုဥက္ကဌများ၊ အတွင်းရေးမှူးများနှင့် ဗဟိုအလုပ် အမှုဆောင်များ၊ နယ်အသင်းခွဲများမှ ဥက္ကဌများ၊ ဗဟိုအလုပ်အမှုဆောင်များနှင့် အလုပ်အမှုဆောင်များ၊ အသင်းဝင် အသင်းသားများ၊ ဖိတ်ကြားထားသော ဧည့်သည်တော်များ၊ စီးပွားရေးလုပ်ငန်းရှင်များ၊ စိတ်ပါဝင်စားသူများ တက်ရောက်ခဲ့ကြပါသည်။

- MGJEA 

မြန်မာနိုင်ငံကျောက်မျက်ရတနာလုပ်ငန်းရှင်များအသင်း ပဉ္စမသက်တမ်း စီမံခန့်ခွဲရေးကော်မတီ၏ (၄/၂၀၁၉)ကြိမ်မြောက် အစည်းအဝေးကျင်းပ

November 26, 2019

မြန်မာနိုင်ငံကျောက်မျက်ရတနာလုပ်ငန်းရှင်များအသင်း ပဉ္စမသက်တမ်း စီမံခန့်ခွဲရေးကော်မတီ၏ (၄/၂၀၁၉)ကြိမ်မြောက် အစည်းအဝေးကို ၂၆.၁၁.၂၀၁၉ ရက်  နေ့လည်(၁)နာရီတွင် နေပြည်တော် မဏိရတနာကျောက်စိမ်းခန်းမ (အစည်းအဝေးခန်းမ)တွင် ကျင်းပရာ မြန်မာနိုင်ငံကျောက်မျက် ရတနာလုပ်ငန်းရှင်များအသင်း ဥက္ကဋ္ဌ ဦးလဖိုင်ခွန်ဆာနှင့် ဒုတိယဥက္ကဋ္ဌများ၊ အတွင်းရေးမှူးများ၊ အသင်း၏ ဥပဒေအကြံပေးများ၊ စီမံခန့်ခွဲရေးကော်မတီဝင်များ တက်ရောက်ကြပါသည်။

 - MGJEA 

မြန်မာနိုင်ငံကျောက်မျက်ရတနာ လုပ်ငန်းရှင်များ အသင်းချုပ်မှ ကြီးမှုး၍ Myanmar Gems Trade Centre( ရန်ကုန်) ပထမထပ်တွင် ရတနာအရောင်းဆိုင်ခန်းများအား ငှားရမ်း​မည်

November 9, 2019

မြန်မာနိုင်ငံကျောက်မျက်ရတနာ လုပ်ငန်းရှင်များ အသင်းချုပ်မှ ကြီးမှုး၍  Myanmar Gems Trade Centre( ရန်ကုန်) ပထမထပ်တွင် ရတနာအရောင်းဆိုင်ခန်းများအား ငှားရမ်းမည်

၁။   မြန်မာနိုင်ငံကျောက်မျက်ရတနာ လုပ်ငန်းရှင်များ အသင်းချုပ်မှ ကြီးမှုး၍  Myanmar Gems Trade Centre( ရန်ကုန်) ပထမထပ်တွင် ရတနာအရောင်းဆိုင်ခန်းများအား ငှားရမ်းမည် ဖြစ်ပါသည်။

၂။   ရတနာ အရောင်ဆိုင်ခန်းများ ငှားရမ်း၍ ကျောက်မျက်ရတနာ ရောင်းချလိုသူများ အနေဖြင့် မြန်မာ့ကျောက်မျက်ရတနာ အရောင်းခန်းမ(ပထမထပ်)တွင် လျှောက်လွှာတစ်စောင် ၂၀၀၀ကျပ်ဖြင့် ဝယ်ယူ၍ ဆိုင်ခန်းငှားရမ်းခွင့် လျှောက်ထားနိုင်ပြီ ဖြစ်ကြောင်း အသိပေးအပ်ပါသည်။ ကောင်တာ ၂ ပုံးပါ ၅ပေ ပတ်လည် ဆိုင်ခန်းတစ်ခန်းငှားရမ်းခမှာ (ကျပ်တစ်သိန်း + အခွန်အခနှင့် ဝန်ဆောင်ခ ကျပ်နှစ်သောင်း )စုစုပေါင်း ၁၂၀၀၀၀/- (ကျပ်တစ်သိန်းနှစ်သောင်းတိတိ) ကျသင့်မည် ဖြစ်ပါသည်။

၃။   မြန်မာ့ကျောက်မျက်ရတနာ ရောင်းဝယ်ရေးလုပ်ငန်း၏ ကျောက်မျက်ရတနာရောင်းချခြင်း လုပ်ငန်းလိုင်စင် လျှောက်ထားခြင်း ကိုလည်း ကူညီဆောင်ရွက်ပေးမည် ဖြစ်သဖြင့် လုပ်ငန်းလိုင်စင်မရှိသူများလည်း ဆိုင်ခန်းရယူ လျှောက်ထားနိုင်မည် ဖြစ်ပါသည်။ စည်းကမ်းချက်များမှာ မြန်မာ့ကျောက်မျက်ရတနာ ရောင်းဝယ်ရေးလုပ်ငန်းမှ ထုတ်ပြန်ထားသော စည်းကမ်းများ အတိုင်းဖြစ်ပါသည်။

*****(မှတ်ချက် ။ အမှန်တကယ် ဆိုင်ခန်း ဖွင့်လှစ်မည့်သူများသာ လျှောက်လွှာ ဝယ်ယူရန် ဖြစ်သည်။)***


စျေးကွက်မြှင့်တင်ရေးနှင့် စည်းကမ်းထိန်းသိမ်းရေး ကော်မတီ
မြန်မာ့ကျောက်မျက်ရတနာအရောင်းခန်းမ
မြန်မာနိုင်ငံကျောက်မျက်လုပ်ငန်းရှင်များ အသင်းချုပ်ရုံး
အမှတ် (၆၈)၊ ကမ္ဘာအေးဘုရားလမ်း၊ မရမ်းကုန်းမြို့နယ်၊ ရန်ကုန်တိုင်းဒေသကြီး 

၂၀၂၀ ခုနှစ်၊ ဇန်နဝါရီလ ကျောက်မျက်ရတနာများ မြန်မာကျပ်ငွေဖြင့်ရောင်းချပွဲ ကျင်းပမည့် သတင်းကြေညာချက်

November 6, 2019

ပြည်ထောင်စုသမ္မတမြန်မာနိုင်ငံတော်အစိုးရ၊ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ မြန်မာ့ကျောက်မျက်ရတနာပြပွဲဗဟိုကော်မတီ၏  “၂၀၂၀ ခုနှစ်၊ ဇန်နဝါရီလ ကျောက်မျက်ရတနာများ မြန်မာကျပ်ငွေဖြင့်ရောင်းချပွဲ”ကို ၂.၁.၂၀၂၀ ရက်နေ့မှ ၇.၁.၂၀၂၀ ရက်နေ့အထိ မဏိရတနာကျောက်စိမ်းခန်းမ၊  နေပြည်တော်၌ ကျင်းပပြုလုပ်သွားမည်ဖြစ်ကြောင်း သတင်းကြေညာချက် .. 


၂၀၂၀ ခုနှစ်၊ ဇန်နဝါရီလ ကျောက်မျက်ရတနာများ မြန်မာကျပ်ငွေဖြင့် ရောင်းချပွဲ ကျောက်စိမ်းလုပ်ငန်းကော်မတီ၏ ကြေညာချက်များ

November 5, 2019

၂၀၂၀ ခုနှစ်၊ ဇန်နဝါရီလ ကျောက်မျက်ရတနာများ မြန်မာကျပ်ငွေဖြင့် ရောင်းချပွဲ ကျောက်စိမ်းလုပ်ငန်းကော်မတီ၏ ကြေညာချက်များ

Source : Myanma Gems Enterprise 

မြန်မာနိုင်ငံကျောက်မျက်ရတနာလုပ်ငန်းရှင်များအသင်း ပဉ္စမသက်တမ်း စီမံခန့်ခွဲရေးကော်မတီ၏ (၃/၂၀၁၉)ကြိမ်မြောက် အစည်းအဝေးကျင်းပ

November 2, 2019

မြန်မာနိုင်ငံကျောက်မျက်ရတနာလုပ်ငန်းရှင်များအသင်း ပဉ္စမသက်တမ်း စီမံခန့်ခွဲရေးကော်မတီ၏ (၃/၂၀၁၉)ကြိမ်မြောက် အစည်းအဝေးကို ၃၁.၁၀.၂၀၁၉ ရက် (ကြာသပတေးနေ့) နေ့လည်(၁)နာရီတွင် နေပြည်တော် မဏိရတနာကျောက်စိမ်းခန်းမ (အစည်းအဝေးခန်းမ)တွင် ကျင်းပရာ မြန်မာနိုင်ငံကျောက်မျက် ရတနာလုပ်ငန်းရှင်များအသင်း ဥက္ကဋ္ဌ ဦးလဖိုင်ခွန်ဆာနှင့် စီမံခန့်ခွဲရေးကော်မတီဝင်များ၊ အသင်း၏ ဥပဒေအကြံပေးများ တက်ရောက်ကြပါသည်။

- MGJEA 

၂၀၂၀ ခုနှစ်၊ ဇန်နဝါရီလ ကျောက်မျက်ရတနာများ မြန်မာကျပ်ငွေဖြင့်ရောင်းချပွဲ ကျင်းပမည်

November 1, 2019

ပြည်ထောင်စုသမ္မတမြန်မာနိုင်ငံတော်အစိုးရ၊ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ မြန်မာ့ကျောက်မျက်ရတနာပြပွဲဗဟိုကော်မတီသည်  “၂၀၂၀ ခုနှစ်၊ ဇန်နဝါရီလ ကျောက်မျက်ရတနာများ မြန်မာကျပ်ငွေဖြင့်ရောင်းချပွဲ”ကို ၂.၁.၂၀၂၀ ရက်နေ့မှ ၇.၁.၂၀၂၀ ရက်နေ့အထိ မဏိရတနာကျောက်စိမ်းခန်းမ၊  နေပြည်တော်၌ ကျင်းပပြုလုပ်သွားမည်ဖြစ်ကြောင်း သတင်းရရှိပါသည်။

- MGJEA 

ရွှေကြာပင် ကျောက်မျက်နှင့် လက်ဝတ်ရတနာ သက်မွေးမှု နည်းပညာ သင်တန်းကျောင်း (နေပြည်တော်) အတွက် သင်တန်းသား/သူ များခေါ်ယူခြင်း

October 30, 2019

မြန်မာနိုင်ငံ ကျောက်မျက်ရတနာလုပ်ငန်းရှင်များအသင်းရွှေကြာပင် ကျောက်မျက်နှင့် လက်ဝတ်ရတနာသက်မွေးမှု နည်းပညာ သင်တန်းကျောင်း (နေပြည်တော်) အတွက် သင်တန်းသား/သူ များခေါ်ယူခြင်း
 
သင်တန်းတက်ရောက်လိုသူများသည်

- အခြေခံပညာ အလယ်တန်းအဆင့်ရှိရမည်
- အသက် (၁၇)နှစ်နှင့် (၂၅)နှစ်ကြား ရှိရမည်
-သင်တန်းပြီးဆုံးအောင်မြင်သည်အထိတက်နိုင်မည့် သင်တန်းသား/သူ များကို ဦးစားပေးလက်ခံသွားမည်။

သင်တန်းတက်ရောက်ခွင့်ရသူများသည်...

- သင်တန်းကြေးအခမဲ့
- နေစားရိတ်အခမဲ့
- စားစရိတ်လစဉ် (၃)သောင်းကျပ်
- သင်တန်းသား/သင်တန်းသူ ဦးရေ အယောက်(၁၀၀)လက်ခံသွားမည်

စာတွေ့လက်တွေ့ ကျွမ်းကျင်မှုအခြေပြု‌သင်ရိုး ညွှန်းတမ်းများဖြင့်သင်ကြားပေးမှာဖြစ်ပြီး (၁၅-၁၁-၂၀၁၉)ရက်နေ့နောက်ဆုံးထားလက်ခံသွားမည်။

ဆက်သွယ်ရန်-
ဦးကျော်ရွှေ(ကျောင်းအုပ်ကြီး) ၀၉-၄၁၇၂၉၂၄၀ ၊ ဦးခိုင်မိုး(ဒုတိယကျောင်းအုပ်ကြီး)၀၉-၄၀၀၀၁၆၇၄၁
ဦးခိုင်မိုး(ရုံးအဖွဲ့မှူး)၀၉-၇၉၈၂၄၁၅၄၅ ၊ ဦးနေလင်း ၀၉-၉၇၀၄၉၅၃၄၈

- MGJEA 

ကျောက်မျက်ရတနာလုပ်ငန်းရှင်များအသင်း(မန္တလေး)မှ ဦးဆောင်ကျင်းပမည့်ကျောက်စိမ်း အရိုင်း၊အချောထည်နှင့်ကျောက်မျက်ရတနာများကိုမြန်မာကျပ်ငွေဖြင့်ရောင်းချပွဲ

October 23, 2019

မန္တလေးတိုင်းဒေသကြီးအစိုးရအဖွဲ့မှကြီးမှူး၍ မြန်မာနိုင်ငံကျောက်မျက်ရတနာလုပ်ငန်းရှင်များအသင်းချုပ်၏ လမ်းညွန်မှုဖြင့် ကျောက်မျက်ရတနာလုပ်ငန်းရှင်များအသင်း(မန္တလေး)မှ ဦးဆောင်ကျင်းပမည့်ကျောက်စိမ်း အရိုင်း၊အချောထည်နှင့်ကျောက်မျက်ရတနာများကိုမြန်မာကျပ်ငွေဖြင့်ရောင်းချပွဲ

ကျင်းပမည့်အချိန်
××××××××××××
၂၀၁၉ခုနှစ် အောက်တိုဘာလ ၂၃ရက်နေ့
ဗုဒ္ဓဟူးနေ့ မှ အောက်တိုဘာလ ၂၉ရက်နေ့ အင်္ဂါနေ့
(နေ့စဥ် မနက် ၇နာရီ မှ ညနေ ၅နာရီအတွင်း)

ကျင်းပမည့်နေရာ
××××××××××××
MANDALAY CONVENTION CENTRE (MCC)
သိပ္ပံလမ်း ၊ ချမ်းမြသာစည်မြို့နယ်၊မန္တလေးမြို့။

Source : MGJEA-MDY

လုံးခင်း - ဖားကန့် ရတနာနယ်‌မြေ ကျောက်စိမ်း တူးဖော်မှု လုပ်ငန်းများကို (၁-၁၀-၂၀၁၉)ရက်နေ့မှ စ၍ ပြန်လည် တူးဖော် လုပ်ကိုင်ခွင့်ပြုပြီး ယာယီ ရပ်ဆိုင်းခဲ့သည့် ကာလကို သက်တမ်းအစားထိုး ပြန်လည် သတ်မှတ်ပေး

October 2, 2019

လုံးခင်း - ဖားကန့် ရတနာနယ်‌မြေတွင်ကျောက်စိမ်း တူးဖော်မှု လုပ်ငန်းများကို မိုးရာသီကာလအတွင်း (၁.၇.၂၀၁၉) မှ (၃၀.၉.၂၀၁၉) ထိ ယာယီရပ်ဆိုင်း ထားခဲ့မှုကာလ ပြည့်မြောက်ပြီ ဖြစ်သဖြင့် (၁-၁၀-၂၀၁၉) ရက်နေ့မှ စတင်၍ ပြန်လည်တူးဖော် လုပ်ကိုင်ခွင့်ပြုကြောင်း (သက်တမ်းကျန်ရှိကုမ္ပဏီများသာ) နှင့် ယာယီရပ်ဆိုင်းခဲ့သည့်ကာလကို မူလသက်တမ်းတွင် ဖြည့်စွက် သတ်မှတ်ပေးသွားမည်ဖြစ်ကြောင်း မြန်မာ့ကျောက်မျက်ရတနာ‌ရောင်းဝယ်ရေးလုပ်ငန်းမှ သိရှိရပါသည်။

- MGJEA