ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတ၏ ဖိတ်ကြားချက်အရ မြန်မာနိုင်ငံသို့ ချစ်ကြည်ရေးခရီး လာရောက်သည့် အိန္ဒိယနိုင်ငံသမ္မတ H.E. Mr. Ram Nath Kovind ၏ဇနီးနှင့် သမီးဖြစ်သူ မြန်မာ့ကျောက်မျက်ရတနာပြတိုက် (နေပြည်တော်)သို့ လာရောက်ကြည့်ရှုလေ့လာ
January 18, 2019နေပြည်တော် ၊ ၂၀၁၈ခုနှစ်၊ ဒီဇင်ဘာလ ၁၁ ရက်
ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတ၏ ဖိတ်ကြားချက်အရ မြန်မာနိုင်ငံသို့ ချစ်ကြည်ရေးခရီး လာရောက်သည့် အိန္ဒိယနိုင်ငံသမ္မတ H.E. Mr. Ram Nath Kovind ၏ဇနီးနှင့် သမီးဖြစ်သူသည် ပညာရေးဝန်ကြီးဌာန၊ ပြည်ထောင်စုဝန်ကြီး၏ဇနီး ဒေါ်စန်းစန်းယုနှင့် တာဝန်ရှိသူများ လိုက်ပါလျက် မြန်မာ့ကျောက်မျက်ရတနာပြတိုက်(နေပြည်တော်)သို့ (၁၁.၁၂.၂၀၁၈)ရက်၊ အင်္ဂါနေ့(၁၀၂၀)နာရီ အချိန်မှ (၁၁၁၅) နာရီအချိန်အထိ လာရောက်လေ့လာခဲ့ပါသည်။
ဧည့်သည်တော်အဖွဲ့အား မြန်မာ့ကျောက်မျက်ရတနာရောင်းဝယ်ရေးလုပ်ငန်း ဦးဆောင်ညွှန်ကြားရေးမှူး ဦးအောင်ညွန့်သိန်းနှင့် မြန်မာ့ကျောက်မျက်ရတနာပြတိုက်(နေပြည်တော်) ပြတိုက်မှူး ဒုတိယအထွေထွေ မန်နေဂျာ ဦးသက်ဇော်ဦးတို့က ကြိုဆိုနှုတ်ဆက်၍ ပြခန်းမဆောင်အတွင်း ခင်းကျင်းပြသထားသည့် ကျောက်စိမ်း၊ ကျောက်မျက်၊ ပုလဲ၊ ငွေထည်နှင့် သယံဇာတပစ္စည်းများ ပြကွက်တို့ကို တာဝန်ရှိသူများက ရှင်းလင်းပြသခဲ့ပါသည်။ ဧည့်သည်တော်များသည် ရတနာဈေး၊ ရေတံခွန်ပြကွက်နှင့် ဆင်ရေပန်းတို့ကို ကြည့်ရှုလေ့လာခဲ့ပါသည်။
မြန်မာနိုင်ငံ EITI ဒုတိယ အကြိမ် (၂၀၁၄-၂၀၁၅ ဘဏ္ဍရေးနှစ်)နှင့် တတိယ အကြိမ်(၂၀၁၅-၂၀၁၆ ဘဏ္ဍရေးနှစ်) အစီရင်ခံစာများဆိုင်ရာအချက်အလက်အကျဉ်းချုပ်ရှင်းလင်းတင်ပြသည့်အလုပ်ရုံဆွေးနွေးပွဲ
January 8, 2019(၁၉.၁၁.၂၀၁၈) ခုနှစ်တနင်္လာနေ့ Sule Shangri-La Hotel Grandball room မှာမနက် (၁၀) နာရီမှစတင်ကျင်းပသည်. အဆိုပါအစည်းအဝေးတွင်
စီမံကိန်းနှင့်ဘဏ္ဍရေးဝန်ကြီးဌာနပြည်ထောင်စုဒုတိယဝန်ကြီးဦးမောင်မောင်ဝင်းနှင့်တာဝန်ရှိသူများ CSO များ Donor များ အသင်းအဖွဲ့များမှတာဝန်ရှိသူများတက်ရောက်ပြီး မြန်မာနိုင်ငံကျောက်မျက်ရတနာလုပ်ငန်းရှင်များအသင်းချုပ်ကိုယ်စားတက်ရောက်ခဲ့ပါသည်
MEITI ရဲ့ ဘဏ္ဍနှစ် (၂၀၁၄-၂၀၁၆) အရ များစွာတိုးတက်မူ့ရှိသည်ကိုတွေ့ရပြီးဆက်လက်ကြိုးပမ်းဆောင်ရွက်စရာများစွာလည်းကျန်ရှိကြောင်းသိရသည်။
7th AEC+12 Gems And Jewelry Presidents' Summit ကို (၈.၁၁.၂၀၁၈) ရက်နေ့တွင်တရုတ်နိုင်ငံရှန်ဟိုင်းမြို့တွင်အောင်မြင်စွာကျင်းပခဲ့သည်
January 8, 2019မြန်မာနိုင်ငံကျောက်မျက်ရတနာလုပ်ငန်းရှင်များအသင်းချုပ်ကိုယ်စားဒုတိယဥက္ကဌ (၃) ဖြစ်သူဒေါက်တာအောင်ကျော်ဝင်းမှ " Cooperation of Jewelry Trading Between China and Ten ASEAN Nations" ခေါင်းစဉ်ဖြင့် (၁၅) မိနစ်ကြာဆွးနွေးခဲ့ပြီးအသင်းချုပ်ရဲ့ Corporate Video (၅) မိနစ်ကြာပြသပြီးကြွရောက်လာသောနိုင်ငံပေါင်း(၂၀) ခန့်မှ ကျောက်မျက်ရတနာလုပ်ငန်းရှင်များအသင်းများမှတက်ရောက်လာသူအားလုံးကို ၂၀၁၉ ခုနှစ်ဇနန်ဝါရီလတွင်ကျင်းပမည့် 2nd Yangon International Gems and Jewelry fair နှင့်တဆက်တည်းကျင်းပမည့် 1st Mandalay Yatanar Mall Gems and Jewelry Fair များကိုဆွေးနွေးပွဲတွင်တရားဝင်ကြေငြာပြီးဖိတ်ကြားခဲ့ပါတယ်။နိုင်ငံတကာမှလည်းမြန်မာ့ကျောက်မျက်လက်ဝတ်ရတနာကဏ္ဍရဲ့ဖြစ်ပေါ်တိုးတက်မူ့များအတွက်များစွာအားပေးဂုဏ်ယူကြပါတယ်။ထို့ပြင်နိုင်ငံပေါင်း(၂၀) ခန့်မှတင်ရောက်လာတဲ့တာဝန်ရှိပုဂ္ဂိုလ်များနှင့် MOU Agreement ရေးထိုးခဲ့ပါတယ်။ လာမည့်နှစ် ၂၀၁၉ အောက်တိုဘာလတွင် Turkey နိုင်ငံ Istanbul မှာကျင်းပမည့် (၈) ကြိမ်မြောက် Summit ကြီးကို 8th ASEAN Gems and Jewelry Summit အဖြစ်အမည်ပြောင်းလဲကျင်းပမည်ဖြစ်ကြောင်း လက်ရှိဥက္ကဌဖြစ်သူ ထိုင်းနိုင်ငံမှ Mr Suttipong ကတရားဝင်ကြေငြာခဲ့ပါတယ်